Dream City: Mayk Tayson Gardens Residence'da birinchi uy egasiga aylanmokda

Toshkentda «Tashkent City» xalqaro ishbilarmonlik markazi (XIM) hududidagi yangi turar joy majmuasida joylashgan kvartiralar sotilishi boshlandi.

Dream City Development – bu mamlakat hududida va uning tashqarisida yuqori sifatli ko‘chmas mulkni loyihalashtirish va qurish bilan shug‘ullanuvchi developer kompaniyadir.

Dream City Development’ning birinchi loyihalaridan biri – Gardens Residence bo‘lib, u Tashkent City XIM hududidagi 1-raqamli Lot hisoblanadi. Ushbu turar joy majmuasi yuqori texnik ko‘rsatkichli, noyob arxitektura ko‘rinishga va yuqori avtonomlikka ega bo‘lishi kutilmoqda. Majmuaning qurilish maydoni 80,000 m².ni tashkil etadi. Bu 8 qavatdan iborat yuqori sifatli 9 ta uylardan iborat. Unda 44 dan 260 m²gacha maydonga ega 1139 ta kvartiralar mavjud bo‘lib, hashamatli pentxaus va terrasalar bor. Bundan tashqari, 1482 ta yerosti mashinalar turarjoyi, katta yashil maydon va suv havzasiga ega hovli, zamonaviy ko‘rinishdagi xususiy bolalar bog‘chasi, savdo shoxobchalari, sog‘lomlashtirish markazi, tunu-kun qo‘riqlash va video kuzatuv xizmati mavjud. Bir so‘z bilan aytganda – «Gardens Residence»da yashash uchun qulay bo‘lgan barcha sharoitlar bor.

«Tashkent City» hududida qulay joylashgan ofis, tashrif buyuruvchilarga turar joy majmuasi qurilish ishlarini ko‘rib chiqish va u qanday amalga oshirilayotganini kuzatish imkonini beradi. «Dream City» vakillari imkon qadar shunday qulay yaratishga harakat qildilarki, tashrif buyuruvchilar imkon qadar batafsil ma'lumot oladilar. Savdo ofislarida turli dizaynerlik taklifiga ega to‘liq jihozlangan kvartiralar ko‘rinishidagi maxsus namoyish zallari bo‘lib, har bir tashrif buyuruvchilar «Gardens Residence» turar joy majmuasida yashashning afzalliklarini his etish imkoniyatiga ega bo‘ladi.

Ushbu turar joy majmuasini loyihalash va qurishda xorijiy kompaniyalarning eng yaxshi audit, konsalting va qurilish sohalari jalb etilgan. Ular jumlasiga Britaniyaning mashhur «ARUP» arxitektura byurosi, Turkiyaning «Özgüven» loyihalash kompaniyasi va «Maven» konsalting kompaniyasini kiritish mumkin.

Qurilish bo‘yicha ekspert ishlari dunyo bo‘yicha 3.000.000 m² dan ortiq maydonda muvaffaqiyatli amalga oshirgan «PMO Management & Consultancy» kompaniyasi tomonidan amalga oshiriladi. Umumiy hisobda majmua qurilish ishlariga 120 dan ortiq xorijiy mutaxassislar jalb etilgan.

Ma'lumotlarga ko‘ra, «Gardens Residence» apartamentining birinchi egasi – boks bo‘yicha jahon chempioni Mayk Tayson. Uning ishtirokidagi to‘liq videolavha kompaniya taqdimotida ko‘rsatilgan va hozirda mamlakat telekanallarida namoyish etilmoqda.