Polsha kanali Dudaning Tramp bilan «haqoratomuz» surati uchun xodimni ishdan haydadi

Polshaning «Belsat» telekanali ijtimoiy tarmoqlardagi siyosat uchun javobgar bo‘lgan o‘z menejyeri Ivan Shiloni ishdan bo‘shatdi. Bu u feysbukda Polsha prezidenti Anjyey Duda hamda AQSh yetakchisi Donald Trampning «haqoratomuz» fotosuratini e'lon qilgani tufayli yuz berdi. Bu haqda «Yevropa haqiqati» yozmoqda.

Ta'kidlanishicha, «Belsat» Polsha TIV tomonidan moliyalashtiriladi.

Shilo ikki davlat yetakchilarining uchrashuvidan fotosuratni e'lon qildi, unda Trampning o‘tirgani, Dudaning esa biroz egilgan holda turgani tasvirlangan. Shuningdek, unga «Chapda - Polsha prezidenti» yozuvi ham qo‘shib qo‘yilgan.

Qator foydalanuvchilar suratda Polsha prezidenti o‘zi va Polshani kamsitishga yo‘l qo‘yib bergani haqida gapira boshlashdi. Shilo ushbu fotosurat e'lon qilinganining ertasi kuni telekanaldan bo‘shatib yuborishgani haqida ma'lum qildi.

«Meni ishdan bo‘shatishdi. Hech qanday gap-so‘zlarsiz, shunchaki ish chatlaridan o‘chirishdi va barcha kirish hujjatlarini olib qo‘yishdi», - deya yozgan u.

Eslatib o‘tamiz, avvalroq Internetda AQSh prezidenti Donald Trampning polshalik hamkasbi Anjyey Duda bilan 18 sentabrda Oq uyda olingan fotosurati zaharxandaliklarga sabab bo‘lgandi.