IShID Markaziy Osiyoda tayanch nuqtasi tashkil etishga harakat qilayotgani aytildi

MDH Terrorchilikka qarshi kurash markazi (TQM) rahbari, politsiya general-polkovnigi Andrey Novikovning ma'lum qilishicha, IShID terrorchilik guruhi jangarilari Markaziy Osiyo hududida o‘z tayanch nuqtasi yaratish uchun harakat qilmoqda. Novikovning so‘zlari «RIA Novosti» tomonidan keltirilgan.

Bunday bayonot bilan general-polkovnik «Issiqko‘l - Antiterror-2018» mashqlari ikkinchi bosqichi vaqtida chiqish qildi.

Novikovning ta'kidlashicha, IShID jangarilarining ushbu mintaqada tayanch nuqtalarini tashkil etish niyatida «asosiy muammo» sanaladi. Shuningdek, uning aytishicha, terrorchilarning harakatlari «nafaqat Qirg‘iziston Respublikasi, balki butun Markaziy Osiyo mintaqasi uchun xavfsizlikka tahdiddir».

MDH TQM rahbarining aniqlik kiritishicha, IShID jangarilari mintaqada «halifalik» deb ataluvchi» tayanch nuqtasini tashkil etishga urinmoqda hamda «uxlayotgan jamoatlar»ni faollashtirish» maqsadida sa'y-harakatlarni amalga oshirmoqda.

Eslatib o‘tamiz, avvalroq  Tojikiston va O‘zbekiston mudofaa mahkamalarining tarixdagi ilk qo‘shma antiterror operatsiyasi o‘tkazilgandi.