Toshkent shahrining Mirobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.
1 oktabr kuni tuman IIBga tushgan hujjatlarga ko‘ra, shu yil 10 aprel kuni Oq bilol 4-tor ko‘chasida yashovchi A.X. tanishi T.T.ga Rossiya Federatsiyasidan arzon narxda makkajo‘xori mahsuloti olib kelishlikni aytib, aldash yo‘li bilan undan 70 mln. so‘m pulini olganligi va shu kungacha bergan va'dasini bajarmay pullarni o‘z ehtiyoji uchun ishlatib yuborganligi ko‘rsatilgan.
Ko‘rilgan chora-tadbirlar natijasida A.X. ushlangan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
