Sankt-Peterburgda O‘zbekistonning uch nafar fuqarosi pichoqlandi

Sankt-Peterburgdagi Jyeleznovodskaya ko‘chasi, 68-uy yaqinida ommaviy mushtlashuv yuz berdi, hodisa oqibatida O‘zbekistonning uch fuqarosi kasalxonaga yotqizildi. Bu haqda Piter.tv xabar bermoqda.

Mushtlashuv 2 oktabr, seshanba kuni soat 17:30da ro‘y bergan. O‘zbekistonning 29 yoshli fuqarosi hozirgi vaqtda Harbiy-tibbiy akademiyada pichoq yordamida yetkazilgan jarohat bilan qolmoqda. Uni kasalxonaga olib borishganida, spirtli ichimlik iste'mol qilgani ma'lum bo‘ldi.

O‘zbekistonning 22 va 23 yoshli ikki nafar fuqarosi Pokrovskiy kasalxonasiga olib ketildi. Ularda ham pichoq bilan yetkazilgan jarohat bor.

Barcha erkaklar noma'lum shaxs ularni pichoqlagani haqida ma'lumot bergan. Mushtlashuv yuz bergan joyda videokameralar bor, yozuvlar ro‘y bergan hodisa tafsilotlarini aniqlashtirish maqsadida olindi.