Moliya vazirligi tizimida yangi lavozim tayinlovi yuz berdi

O‘zbekiston Respublikasi moliya vazirining 2018 yil 27 sentabrdagi 310-LS sonli buyrug‘iga asosan Avazjon Sayfiddinovich Kamolov O‘zbekiston Respublikasi Moliya vazirligining Xalqaro moliya institutlari va davlatlar moliyaviy munosabatlar bosh boshqarmasining boshlig‘i o‘rinbosari lavozimiga tayinlandi.

Moliya vazirligi axborot xizmati xabariga ko‘ra, Avazjon Kamolov 1977 yilda tug‘ilgan. Ma'lumoti oliy, Farg‘ona Davlat Universitetini tamomlagan. Buyuk Britaniyaning Nottingem Trent Universitetining Xalqaro Iqtisodiy aloqalar, Biznes boshqaruvi yo‘nalishi bo‘yicha magistr darajasiga ega. 

Lavozimga tayinlanishdan oldin Avazjon Kamolov O‘zbekiston Respublikasi Adliya vazirligi huzuridagi Davlat xizmatlari agentligi Davlat xizmatlarini joriy etish va rivojlantirish boshqarmasi boshlig‘i o‘rinbosari - Davlat huquqiy xizmatlarini joriy etish va rivojlantirish bo‘limi boshlig‘i lavozimida ishlab kelgan.