AQSh Xitoyda 2022 yilgi Olimpiya o‘yinlari o‘tkazilishiga qarshi chiqdi

AQSh Kongressining Xitoy bo‘yicha komissiyasi 2022 yilgi qishki Olimpiya o‘yinlari Pekinda o‘tkazilishiga qarshi chiqdi. 

Inside the Games ma'lumotiga ko‘ra, Xalqaro olimpiya qo‘mitasiga (XOQ) tegishli murojaatnoma ham yuborilgan.

Komissiya hisobotida qayd etilishicha, Xitoyning amaldagi rahbari Si Tszinpinning hokimiyat tepasiga kelganidan so‘ng, mamlakatda inson huquqlariga rioya etish bilan bog‘liq vaziyat yomonlashdi. Masalan, ushbu mamlakatda bir milliondan ziyod uyg‘ur saqlanayotgan siyosiy qayta tarbiyalash lageri mavjud. Komissiyadan qo‘shimcha qilishlaricha, bu «Ikkinchi jahon urushi yillaridan beri etnik ozchilik huquqlarini kamsitishga doir eng katta holatdir».

Shuningdek, hisobotda xabar qilinishicha, Xitoy hukumati Qo‘shma Shtatlarda istiqomat qiluvchi uyg‘urlar diasporasiga bosim o‘tkazishga harakat qilmoqda.

Eslatib o‘tamiz, avvalroq AQSh Eronni uyg‘urlarni neftga «almashtirishda» ayblagandi.