O‘zbekiston Prezidentining 2018 yil 16 apreldagi «Diniy-ma'rifiy soha faoliyatini tubdan takomillashtirish chora-tadbirlari to‘g‘risida»gi PF-5416-son Farmoni bo‘yicha «Vaqf» xayriya jamoat fondi tashkil etilgan.
Fond o‘z oldiga masjidlar va diniy ta'lim muassasalarining binolarini qurish, ta'mirlash, professor-o‘qituvchilar, tadqiqotchilar va o‘quvchi-talabalarni qo‘llab-quvvatlash, masjid xodimlarini oylik maosh bilan ta'minlash, aholining ijtimoiy himoyaga muhtoj qatlamlari, shu jumladan, imkoniyati cheklangan shaxslarni moddiy va ma'naviy qo‘llab-quvvatlash kabi bir qator ishlarni maqsad qilib qo‘ygan.
O‘tgan davr mobaynida fond tomonidan diniy ta'lim muassasalarini moddiy qo‘llab-quvvatlash uchun jami 211 mln. so‘m, ijtimoiy himoyaga muhtoj jamiyatlarga 22 mln. so‘m va yordamga muhtoj va nogironligi bo‘lgan 534 nafar fuqarolarga 480 mln. so‘mdan ziyod mablag‘ xayriya qilindi. Qurbon hayitida Respublika bo‘yicha 10 tonnadan ziyod qurbonlik go‘shtlari fond nomidan tarqatildi. Shu bilan birgalikda o‘ta og‘ir holatdagi 4 ta xonadon fond tomonidan to‘liq ta'mirlab berildi.
33 nafar sobiq mahbusga hayotda o‘z o‘rnini topish uchun yordam ko‘rsatildi.
«Vaqf» fondi tomonidan tashkil etilgan «Masjid va madrasalar uchun kitob» aksiyasi doirasida shu vaqtga qadar 9 ta viloyatdagi 306 ta masjidga jami 367 mln so‘mlik 13 109 dona kitob yetkazildi.
Fond tomonidan O‘zbekiston musulmonlari idorasi tasarrufidagi bilim yurtlari talabalari va o‘qituvchilarini rag‘batlantirish, namunali va iqtidorli talabalarni to‘lov-kontrakt pullarini to‘lab berish uchun Fond tomonidan «Ilm yo‘lida ko‘mak beramiz» aksiyasi tashkil etildi.
2018 yil 13 oktabr kuni ushbu aksiyaning birinchi bosqichi natijalari bo‘yicha taqdirlash marosimi bo‘lib o‘tdi. Marosimda diniy ta'lim muassasalarining eng iqtidorli 39 nafar talabalarining kontrakt pullari to‘lab berilib, o‘zining iqtidori va qobiliyati bilan Qur'oni karimni to‘liq yod olgan 15 nafar talaba eng kam ish haqining 10 baravaridan pul mukofotlari bilan taqdirlandi.
Umumiy hisobda ushbu aksiyaning birinchi bosqichi uchun “Vaqf” xayriya jamoat fondi tomonidan 160 mln so‘m ajratildi.
Tadbirda so‘zga chiqqan huquqshunos Xushnudbek Xudoyberdiyev jamoat fondining zarurligini ta'kidladi:
