Saudiya Arabistoni qiroli Qoshiqchi oilasiga hamdardlik bildirdi

Saudiya Arabistoni qiroli Salmon bin Abdulaziz Ol-Saud va valiahd shahzoda Muhammad bin Salmon telefon orqali Jamol Qoshiqchining o‘lgani munosabati bilan uning oilasiga hamdardlik bildirdi. 

Saudiya Arabistoni OAV 20 oktabrga o‘tar kechasi mamlakat bosh prokurorining Qoshiqchi o‘lgani, uning o‘limiga Istanbuldagi konsullik xodimlari bilan mojaro olib kelganini ma'lum qilgandi. Ushbu ish bo‘yicha 18 kishi qo‘lga olinib, so‘roq qilinmoqda. Saudiya Arabistoni hukumati bor haqiqatni o‘rnatib, barcha ayblanuvchilarni javobgarlikka tortmoqchi.

Ma'lum qilinishicha, qirol va valiahd shahzoda Qoshiqchining o‘g‘li Saloh bilan muloqotda otasining o‘limi munosabati bilan unga va oila a'zolariga hamdardlik bildirishgan.

Ta'kidlanishicha, Qoshiqchining o‘g‘li o‘z navbatida qirol va valiahd shahzodaga bildirilgan hamdardlik uchun minnatdorlik bildirgan.