Ar-Riyodda Qoshiqchining o‘ldirilishi ortida razvedka xizmatini isloh qilish muhokama qilindi  

Ar-Riyodda Saudiya Arabistoni umumiy razvedka xizmatini restrukturizatsiya qilish bo‘yicha birinchi yig‘ilish bo‘lib o‘tdi.

Valiahd shahzoda Muhammad bin Salmon raisligida o‘tgan yig‘ilishdan asosiy maqsad joriy holatni baholash va razvedka xizmatlari ishidagi bo‘shliqlarni aniqlash bo‘lgan.

Yig‘ilish ishtirokchilari umumiy razvedka xizmati strukturasi, amaldagi tizimlar va huquqiy doiralar, xizmat siyosati, tartibotlar, boshqarish mexanizmlarini muhokama qilishgan.

Avvalroq qirol Salmon valiahd shahzodaga razvedka xizmatini isloh qilish bo‘yicha qo‘mitani shakllantirish vazifasini topshirgan. Ushbu qaror jurnalist Jamol Qoshiqchining o‘ldirilishi atrofidagi mojaro ortida qabul qilingan.

Qirol, shuningdek, 4 nafar yuqori mansabdor shaxslarni o‘z lavozimidan bo‘shatishni buyurgan. Bular: Qirollik kengashi maslahatchisi Saud bin Abdulloh al-Qahtoniy, Umumiy razvedka xizmati rahbari o‘rinbosari, general Ahmad Asiriy, qirollik gvardiyasi polkovnigi Mohir Abdulaziz Mutrib va sud-tibbiyot ekspertizasi instituti rahbari Salox Muhammad Abduh at-Tubayka.