Qashqadaryo viloyatining Dehqonobod tumanida 1500dan ortiq yangi ish o‘rinlari yaratiladi

Vazirlar Mahkamasining “2018-2019 yillarda Qashqadaryo viloyatining Dehqonobod tumanini kompleks rivojlantirish chora-tadbirlari dasturi to‘g‘risida”gi qarori qabul qilindi.

Quyidagilarni o‘z ichiga oluvchi 2018-2019 yillarda Qashqadaryo viloyatining Dehqonobod tumanini kompleks rivojlantirish chora-tadbirlari dasturi tasdiqlandi:

2018-2019 yillarda Qashqadaryo viloyatining Dehqonobod tumanini kompleks rivojlantirish chora-tadbirlari dasturining moliyalashtirish manbalari;

oziq-ovqat va nooziq-ovqat tovarlari, shuningdek qurilish materiallari, yengil sanoat va boshqa sanoat mahsulotlarini ishlab chiqarish quvvatlarini modernizatsiyalash, yangidan barpo etish, texnik va texnologik jihatdan yangilash bo‘yicha investitsiya loyihalarining manzilli ro‘yxati;

xizmatlar sohasi va servisni rivojlantirish bo‘yicha investitsiya loyihalarining manzilli ro‘yxati;

qishloq xo‘jaligi sohasini yanada barqaror rivojlanishini ta'minlash bo‘yicha investitsiya loyihalarining manzilli ro‘yxati;

muhandislik-kommunikatsiya va ishlab chiqarish infratuzilmasini jadal qurish dasturining asosiy ko‘rsatkichlari;

ijtimoiy soha infratuzilmasini yanada takomillashtirish bo‘yicha investitsiya loyihalarining manzilli ro‘yxati;

qishloq xo‘jaligi sohasida yer maydonlaridan oqilona foydalanish va irrigatsiya tizimini yaxshilash bo‘yicha manzilli ro‘yxati.

Dastur parametrlarining bajarilishini ta'minlash bo‘yicha davlat va xo‘jalik boshqaruvi organlari, mahalliy ijro etuvchi hokimiyat organlari, tijorat banklari faoliyatini muvofiqlashtirish va monitoring qilish vazifasi Vazirlar Mahkamasining Hududlarni kompleks ijtimoiy- iqtisodiy rivojlantirish masalalari axborot-tahlil departamenti zimmasiga yuklatildi.

Hududlarni kompleks ijtimoiy-iqtisodiy rivojlantirish masalalari axborot-tahlil departamenti:

davlat va xo‘jalik boshqaruvi organlari, mahalliy ijro etuvchi hokimiyat organlari, tijorat banklari tomonidan Dasturda nazarda tutilgan tadbirlarning belgilangan muddatlarda amalga oshirilishini tahlil qilib boradi va muvofiqlashtiradi;

Dastur bajarilishining monitoringi olib borilishini tashkil etadi va har oyda tizimli ravishda muammoli masalalarni ko‘rib chiqadi, ularni hal etish yuzasidan tezkor va amaliy chora-tadbirlar ko‘radi;

zarurat bo‘lganda, tayyorlangan va belgilangan tartibda kelishilgan loyiha hujjatlari mavjud bo‘lgan taqdirda, Dasturga tegishli o‘zgartirish va qo‘shimchalar kiritilishini ta'minlaydi.

Qashqadaryo viloyati hokimligi vazirliklar, idoralar, davlat va xo‘jalik boshqaruvi organlari, tijorat banklari va loyiha tashabbuskorlari bilan birgalikda bir oy muddatda Dasturga kiritilgan investitsiya loyihalarining amalga oshirilishi bo‘yicha loyiha-smeta hujjatlarini ishlab chiqish va ekspertizadan o‘tkazish, qurilish-montaj ishlarini bajarish, zamonaviy texnologik asbob-uskunalar bilan butlash va loyihalarni foydalanishga topshirishning aniq muddatlari ko‘rsatilgan tarmoq jadvallarini ishlab chiqib tasdiqlaydi.

Qashqadaryo viloyati hokimligi O‘zbekiston Respublikasi Qurilish vazirligi, “O‘zqurilishmateriallari” AJ bilan birgalikda bir oy muddatda “Obod qishloq” dasturi doirasida amalga oshiriladigan qurilish, obodonlashtirish ishlari uchun zarur bo‘lgan asosiy turdagi qurilish materiallarining mahalliy ishlab chiqaruvchi tashkilotlar tomonidan o‘zlashtirilishi yuzasidan qo‘shimcha loyiha takliflarini shakllantirish va Dasturga kiritish choralarini ko‘radi.

Qashqadaryo viloyati hokimligi Qurilish vazirligi, Yer resurslari, geodeziya, kartografiya va davlat kadastri davlat qo‘mitasi bilan birgalikda Dasturga kiritilgan investitsiya loyihalari amalga oshirilishi uchun yer uchastkalarini belgilangan tartibda ajratadi.

“O‘zqurilishmateriallari” AJ "O‘zbekiston Respublikasi Davlat geologiya va mineral resurslar qo‘mitasi, “O‘zbekneftgaz” AJ, Qashqadaryo viloyati hokimligi bilan birgalikda bir oy muddatda Dehkonobod tumanidagi “Bentonit” va “Dolomit” xomashyosini qayta ishlash orqali tayyor mahsulot ishlab chiqarishni yo‘lga qo‘yish bo‘yicha Vazirlar Mahkamasiga taklif kiritadi.