Oʻzbekiston prezidenti Shavkat Mirziyoyev hududlarda amalga oshirilayotgan islohotlarning borishi, yirik iqtisodiy va ijtimoiy loyihalar bilan tanishish maqsadida Qashqadaryo viloyatiga boradi.
Davlat rahbari tashrif davomida viloyatning sanoat salohiyati, qishloq xoʻjaligidagi yangilanishlar va taʼlim tizimida olib borilayotgan ishlar bilan bevosita tanishishi rejalashtirilgan.
Tashrif dasturidan voha iqtisodiyoti uchun muhim ahamiyatga ega boʻlgan yangi ishlab chiqarish quvvatlarini ishga tushirish hamda istiqbolli loyihalar qurilishiga start berish marosimi ham oʻrin olgan.
Qashqadaryo viloyatini kompleks rivojlantirish, mavjud imkoniyatlardan samarali foydalanish va aholi farovonligini oshirish masalalariga bagʻishlangan kengaytirilgan yigʻilish oʻtkazilishi koʻzda tutilgan.
