Rossiya va Qozog‘iston Il-103M samolyotlarini ishlab chiqaruvchi qo‘shma korxona tashkil etadi

Ilyushin nomidagi aviatsiya majmuasi va Qozog‘iston aviatsiya zavodi Qozog‘iston hududida Il-103 samolyotlarining modernizatsiyalangan versiyasini ishlab chiqarish bo‘yicha kelishuv imzoladi. Bu haqda birlashgan aviasozlik korporatsiyasi matbuot xizmatiga tayanib RIA Novosti xabar berdi.

"Umumiy foydalanishga mo‘ljallangan Il-103 samolyotlarining modernizatsiyalangan versiyasini ishlab chiqarish bo‘yicha kelishuvni imzolash marosimi bo‘lib o‘tdi. Tomonlar Qozog‘iston hududida samolyotlar ishlab chiqarish, ularni sotish va sotuvdan keyin xizmat ko‘rsatish markaziga ega bo‘lgan qo‘shma korxona tashkil etadi", – deyiladi xabarda.