«Los-Anjyeles Gelaksi» hujumchisi Zlatan Ibrahimovich «Manchester Yunayted» yarimhimoyachisi Pol Pogbaning tanqidchilariga murojaat yo‘lladi. Uning so‘zlarini FourFourTwo nashri chop etgan.
«Pogbaga nisbatan hatto kulgili tanqidlar ham yangramoqda. Uni hamma ayblayapti. Kimdir qizil chiroqda yo‘lni kesib o‘tsa ham aybdor – Pogba. Nimadir o‘xshamay qolsa, bu yana Pogbaning aybi.
Bunday gaplarni aytayotgan odamlar shunchaki e'tiborni o‘ziga qaratmoqchi. Ularning bu qadar qizishib ketishlari yaramaydi. Oldin o‘zlariga nazar solishlari va – bu ayniqsa, sobiq futbolchilarga tegishli – «Futbolchi sifatida nimaga erishdim o‘zi» deb o‘zlariga savol berishlari kerak. Chunki ularga qarshi o‘ynab ko‘rganman, Pogbadan sezilarli ustun joylari yo‘q edi.
Bu so‘zlarim uchun uzrku-ya, ammo ularning bari tilini tiyib, o‘z ishi bilan shug‘ullansin. Muhokamalar va e'tibor uchun ularga pul to‘lashadi, lekin gapirganda ham faktlar bilan so‘zlash kerak», - deb aytib o‘tgan Ibrahimovich.
