Dushanbe va Toshkent o‘z elchixonalarini qurish uchun yer uchastkalari bilan almashadi

Tojikiston parlamentining quyi palatasi bu hafta Tojikiston va O‘zbekiston o‘rtasida 2018 yil mart oyida imzolangan, Dushanbe va Toshkentda ikki mamlakat elchixonalarini qurish uchun yer uchastkalarini o‘zaro ajratish to‘g‘risidagi hukumatlararo bitimni ratifikatsiya qilishi mumkin.

O‘zbekiston Tojikiston elchixonasi uchun Toshkent shahrining Shayxontohur tumani, Qozog‘istonning O‘zbekistondagi elchixonasi yonidan bir gektar yerni qurilish uchun ajratmoqda, deb xabar berdi «AP» Tojikiston parlamentidagi manbaga asosan.

O‘z navbatida, uning so‘zlariga ko‘ra, Tojikiston O‘zbekistonning Dushanbedagi elchixonasi qurilishi uchun Rossiya, Eron va Afg‘oniston elchixonalari yonidan 1 gektar yer ajratadi.

Yuqoridagi bitim bir necha kun oldin O‘zbekiston parlamenti tomonidan ratifikatsiya qilindi.