Avtomashinani haydab qochgan shaxs YTH sodir etgan joyida qo‘lga olindi

2018 yil 21 noyabr kuni Toshkent viloyati Chirchiq shahrida yashovchi D.K. Mirzo Ulug‘bek tumanida joylashgan “Lada avto servis” MChJga qarashli avtomashinalarga texnik xizmat ko‘rsatish shoxobchasida qarovsiz qoldirilgan M.D. (ayol)ga tegishli “Orlando” avtomashinasini haydab qochgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, u TTZ  1-dahasida turgan “Matiz” rusumli avtomashinasi bilan to‘qnashuv sodir etib, o‘zi voqea joyidan yashirinmoqchi bo‘lgan vaqtida IIB xodimlari tomonidan ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.