MAK samolyoti dvigatelga tushgan qush tufayli Istanbuldan uchib keta olmadi

«O‘zbekiston havo yo‘llari» milliy aviakompaniyasining Istanbul - Toshkent yo‘nalishi bo‘yicha reysni amalga oshirishi kerak bo‘lgan samolyoti dvigatelga tushgan qush tufayli parvozga chiqa olmadi. Bu haqda aviakompaniya matbuot xizmati xabar tarqatdi.

«Bugun, 27 noyabr kuni, Uzbekistan Airways’ning Toshkent - Istanbul HY271 reysini amal oshirishi kerak bo‘lgan Boing 767 samolyoti Istanbulda buzilib qoldi. Samolyotni sinchkovlik bilan tekshirish davomida pog‘ona ventilyatori ikkita kuragiga zarar yetkazilgani aniqlandi, buning sababi qushning dvigatelga kirib qolgani bo‘lgan», - deyiladi MAK xabarida.

Hozirgi vaqtda Istanbul - Toshkent HY272 yo‘nalishidagi reys vaqti samolyotdagi nosozlik butunlay bartaraf etilgunga qadar kechiktirildi. Ushbu reys bilan yo‘lga chiqqan yo‘lovchilar mehmonxonaga joylashtirildi, deya qo‘shimcha qilib o‘tishdi kompaniyadan.

Nosozlik aniqlangan samolyotni ta'mirlash uchun uskuna va ehtiyot qismlari Toshkentdan Istanbulga kechki reys bilan yuborildi, ular olinganidan keyin samolyotdan qisqa muddatlarda yana foydalanilishi mumkin.