Rossiya hukumati 2019 yilda xorijiy ishchilar uchun kvotalarni tasdiqladi

Rossiya bosh vaziri Dmitriy Medvedev 2019 yilda Rossiyada xorijliklar uchun ish o‘rinlariga kvota belgilash haqidagi qarorni imzoladi. Tegishli hujjat Rossiya hukumati rasmiy saytida e'lon qilindi.

Bosh vazirning qaroriga ko‘ra, kelgusi yilda Rossiyada xorijiy ishchilar uchun 144 583 ta o‘rin ajratiladi.

Ta'kidlanishicha, bu raqam Rossiya mehnat bozorining xorijiy ishchi kuchiga 2019 yil bo‘yicha ehtiyoji talablariga javob beradi. Yangi kvota 2018 yilga belgilangan ehtiyojdan 81 foizni tashkil etdi.

Qayd etilishicha, ustuvor kasb guruhlari bo‘yicha ehtiyojning taqsimlanishi mehnat bozorida malakali ishchi kuchiga bo‘lgan talab ortishi bilan mos keladi.

Eslatib o‘tamiz, avvalroq Rossiyada vaqtinchalik yashash uchun ruxsatnomalar berish qisqarishi xabar qilingandi.