Ashxobod sayilgohi barchangizni yangi yil bayramidan birgalikda zavq olishga taklif etadi.
Bugungi kunda Toshkentning eng go‘zal, eng ziynatli maskanlaridan biri - bu Ashxobod sayilgohidir.Yaqinlashayotgan bayram sharafiga bezatilgan sayilgoh tantanali tus olgan va o‘zining ko‘rki, jozibadorligi bilan tashrif buyurayotgan mehmonlarni hayratlantirmoqda.
Ashxobod sayilgohida haybatli, yorqin chiroqlar va qor bilan bezatilgan chiroyli shaharcha barpo etilgan. Bayramona tus olgan ushbu shaharcha mehmonlarga har kuni yangi yil kayfiyatini ulashmoqda.
Bundan tashqari, sayilgohda har kuni mehmonlar uchun qiziqarli yangi yil tadbirlari uyushtirilmoqda. Tadbirda o‘zbek estrada yulduzlari qatnashishmoqda va sayilgohga tashrif buyurgan muxlislarga, mehmonlarga quvonch baxsh etishmoqda.
Ashxobod sayilgohining yangi yil archasi Toshkentning eng baland, eng yorqin va ko‘rkam archalaridan biridir. Rang-barang chiroqlar va o‘yinchoqlar bilan bezatilgan ushbu archa o‘zining chiroyi, savlati va jozibadorligi bilan har kimning zavqini keltiradi.
Ashxobod sayilgohi archasining atrofida yangi yil yarmarkasi barpo etilgan. Ushbu yarmarkada siz turli xil shirinliklar, esdalik sovg‘alar va o‘yinchoqlar xarid qilishingiz mumkin.
Ashxobod sayilgohiga tashrif buyurayotgan mehmonlar attraksionlardan ham zavq olishmoqda. Aytish lozimki, Toshkent shahrining eng yorqin va jozibador charxpalagi aynan Ashxobod sayilgohida o‘rnatilgan. Ushbu charxpalakda Siz nafaqat sayilgohni, balki butun Toshkent shahrining go‘zal manzaralaridan rohatlanishingiz mumkin.
Ashxobod sayilgohi minglab mehmonlarga bayramona kayfiyat ulashishga va barchaga shodlik, quvonch baxsh etishga hamisha tayyor. Sayilgohga yaqinlaringiz bilan birgalikda tashrif buyuring va bayramona bezatilgan go‘zal manzaralardan va quvnoq yangi yil tadbirlaridan zavq oling.
Qo‘shimcha ma'lumot uchun +998 97 738 07 03 raqamiga qo‘ng‘iroq qiling yoki fb.com/ashxobodsayilgohi rasmiy sahifasiga tashrif buyuring.
Reklama huquqi asosida
