Toshkent shahar Yakkasaroy tumani IIBga tushgan hujjatlarga ko‘ra, 2018 yil 25 aprel kuni Toshkent viloyati Zangiota tumanida yashovchi, muqaddam sudlangan S.J. Toshkent shahrining Boshliq dahasida fuqaro R.T.ga MChJga tegishli “Cobalt” rusumli avtomashinani o‘zining nomida ekanligini va 5 400 AQSh dollari evaziga 10 kun muddat ichida uning nomiga rasmiylashtirib berishini aytgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs undan 5 000 AQSh dollarini olgan.
Natijada bergan va'dasini bajarmay pullarni o‘z ehtiyojlari yo‘lida ishlatib yuborgan. Holat yuzasidan jinoyat ishi qo‘zg‘atilib, ko‘rilgan choralar natijasida S.J. qo‘lga olingan.
Tergov harakatlari davom etmoqda, deyiladi xabarda.
