Bloomberg: AQSh va Xitoy savdo muzokaralarining yangi raundi bo‘yicha bir qarorga keldi

Amerika delegatsiyasi yanvar oyi boshida Pekinga tashrif buyurib, savdo muzokaralarining navbatdagi raundini o‘tkazish niyatida. Bu haqda Bloomberg manbalarga tayangan holda xabar bermoqda.

Agentlikdan aniqlik kiritilishicha, Qo‘shma Shtatlar delegatsiyasiga AQShning savdo muzokaralaridagi vakili o‘rinbosari Jyeffri Gerrish boshchilik qiladi. Xitoy tomonidan kimlar ishtirok etishi hozircha noma'lum bo‘lib turibdi.

Eslatib o‘tamiz, avvalroq Bloomberg 2019 yilda AQSh va Xitoy savdo urushi iqtisodiyotga qanday ta'sir ko‘rsatishini aytgandi.

Qayd etilishicha, 2019 yilda AQSh va Xitoy o‘rtasidagi savdo urushining aks sadosi nafaqat ikki mamlakat kompaniyalari, balki boshqa shirkatlarga ham ta'sir ko‘rsatadi.