O‘zbekiston va Fransiya hukumatlari o‘rtasidagi qator xalqaro shartnomalar tasdiqlanadi

Normativ-huquqiy hujjatlar loyihalari muhokamasi portalida “Xalqaro shartnomalarni tasdiqlash to‘g‘risida”gi hujjat loyihasi joylashtirildi.

Hujjat bilan 2018 yilning 9 oktabr kuni Parij shahrida imzolangan:

O‘zbekiston Respublikasi Hukumati bilan Fransiya Respublikasi Hukumati o‘rtasida turizm sohasida hamkorlik to‘g‘risida Hadli bitim;

O‘zbekiston Respublikasi Hukumati bilan Fransiya Respublikasi Hukumati o‘rtasida yo‘lovchi va yuklarni avtomobilda xalqaro tashish to‘g‘risida Bitim tasdiqlanishi mumkin.

O‘zbekiston Respublikasi Tashqi ishlar vazirligi O‘zbekiston Respublikasi mazkur xalqaro shartnomalar kuchga kirishi uchun zarur bo‘lgan ichki davlat protseduralarini bajargani haqida fransuz tomoniga tegishli xabarnoma yo‘llaydi.

O‘zbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin belgilangan tartibda ularning amalga oshirilishi ustidan nazoratni ta'minlaydilar.

Mazkur qaror ijrosini nazorat qilish O‘zbekiston Respublikasining bosh vaziri A. Aripov zimmasiga yuklanadi.