Foto: AFP
«Liverpul» hujumchisi Roberto Firmino «Samba Gold 2018» mukofoti sohibiga aylandi.
Ushbu sovrin Yevropada to‘p suruvchi eng yaxshi braziliyalik futbolchiga beriladi. G‘olib nomi jurnalistlar, futbolchilar va internet-foydalanuvchilari o‘rtasida o‘tkaziladigan so‘rovnoma natijasida aniqlanadi.
Ovoz berish jarayoni quyidagi natijalarni taqdim etdi:
1. Roberto Firmino – 27,79%
2. Marselo – 20,51%
3. Neymar – 18,67%
4. Alisson – 16,39%
Ta'sischilarning qayd etishicha, «Samba Gold» ikkinchi marotaba «Liverpul» futbolchisiga nasib etmoqda. 2016 yilda «qizillar»dan Filipe Koutino Yevropadagi eng yaxshi braziliyalik o‘yinchi deb topilgandi.
