AQSh Venesuelada yana davlat to‘ntarishini amalga oshirishda ayblandi

Amerika Qo‘shma Shtatlari Venesuelada tinchlik va barqarorlikka putur yetkazmoqchi, shuningdek, mintaqadagi davlatlarni Karakasga qarshi qayramoqda, deb hisoblaydi Venesuela rasmiylari.  Bu haqda yakshanba kuni Janubiy Amerika mamlakatining Tashqi ishlar vazirligi tomonidan e'lon qilingan bayonotda bildirildi.

«Venesuela Bolivar Respublikasining hukumati xalqaro hamjamiyatga ma'lum qiladiki, Venesuela davlatining qonuniy va demokratik institutlarini tan olmagan holda, prezident Nikolas Maduroning qonuniy va demokratik boshqaruviga qarshi AQSh tomonidan davlat to‘ntarishini tashkil etishga qaratilgan yana bir urinish ro‘y berdi», - deyiladi hujjatda.

Karakasga ko‘ra, Vashington «Venesuela xalqiga qarshi qamalni kengaytirish» uchun «mintaqada unga bo‘ysunadigan hukumatlarga buyruq» bergan.

Davlat departamentining matbuot xizmati rahbari o‘rinbosari Robert Palladino, shanba kuni, «AQSh Venesuela milliy assambleyasini (bir palatali parlament) mamlakatdagi yagona qonunchilik institutini sifatida» tan olishini ma'lum qilgandi. Ushbu qonun chiqaruvchi organ Maduroga qarshi siyosiy muxolifat nazorati ostida, ammo u bir necha yil davomida qarorlarni qabul qilish jarayonidan chetlatilgan.

2017 yilning iyul oyida Venesuelada davlat rahbarining qarori bilan Konstitutsiya majlisi chaqirildi, unda hech qanday muxolifat vakillari ishtirok etmaydi. Mintaqadagi aksariyat davlatlar buni tan olishmaydi.

Juma kuni, Meksikadan tashqari «Lima guruhi»ning a'zolari, Maduroning yangi prezidentlik muddatini tan olmaganini e'lon qildi. Maduro esa joriy yilning 10 yanvar kuni yana Venesuela prezidenti lavozimini egallaydi. Tegishli hujjatni Argentina, Braziliya, Gayna, Gvatemala, Gonduras, Kanada, Kolumbiya, Kosta-Rika, Panama, Paragvay, Peru, Saint Lucia va Chili vakillari imzoladi. Ular Maduroni davlat rahbari lavozimini egallamaslik va ijro etuvchi hokimiyatni Milliy Assambleyaga topshirishga chaqirishdi.