Nissan avtomobil konsernining sobiq rahbari Tokiodagi qamoqxonada kasal bo‘lib qoldi, uning ishi bo‘yicha so‘roqlar vaqtincha to‘xtatildi. Bu haqda Kyodo agentligi ishbilarmonning advokatlariga tayangan holda xabar bermoqda.
Qayd etilishicha, Karlos Gonning tana harorati ko‘tarilib ketgan. Shifokor unga yotoq rejimiga amal qilishni tavsiya etdi.
Eslatib o‘tamiz, avvalroq Renault-Nissan-Mitsubishi avtomobil alyansi sobiq rahbari Karlos Gon Tokio prokuraturasi tomonidan moliyaviy nayranglar bo‘yicha o‘ziga qo‘yilgan ayblovlarni yolg‘on, deb atagandi.
Shuningdek, uning ma'lum qilishicha, o‘zining hibsda bo‘lishi adolatsizlikdir.
«Menga yolg‘on ayblovlar qo‘yildi, mening hibsga olinishim adolatsizlik. Nissan’ga hech qanday zarar yetkazmaganman», - dedi Gon.
