AQSh Eronni sun'iy yo‘ldosh uchun keskin qoraladi

AQSh davlat kotibi Mayk Pompeoning ma'lum qilishicha, Eronga tegishli va ushbu davlatning o‘zida ishlab chiqarilgan sun'iy yo‘ldoshga ega raketa-tashuvchi uchirilishi BMT Xavfsizlik kengashi rezolyutsiyalarini buzadi. Bu haqda RIA «Novosti» xabar qildi.

Pompeoning ta'kidlashicha, raketa-tashuvchi uchirilishi ballistik raketalar yaratishda ishlatiladiganga «juda o‘xshash» texnologiyalardan foydalanishni nazarda tutadi.

«Ushbu uchirish - Eronning bunday qurolni yaratish maqsadiga erishish yo‘lidagi jiddiy harakati», - deya xulosa qildi Pompeo.

Avvalroq, Eronning o‘zida ishlab chiqarilgan Payam sun'iy yo‘ldoshi uchirilganidan keyin hisoblangan orbitaga yeta olmagani ma'lum bo‘lgandi. Yer yuzasini masofaviy zondlash uchun mo‘ljallangan sun'iy yo‘ldosh ikki yil davomida orbitada bo‘lishi kutilgandi.

Eslatib o‘tamiz, bundan avval Xitoy 2019 yildagi birinchi sun'iy yo‘ldoshni orbitaga chiqargandi.