Afg‘oniston prezidenti toliblarni to‘g‘ridan-to‘g‘ri muzokaralarga chaqirdi

Afg‘oniston prezidenti Ashraf G‘ani RTA telekanali orqali chiqishida toliblarni to‘g‘ridan-to‘g‘ri muzokaralarga chaqirdi.  

"Men "Tolibon" harakatini afg‘on hukumati bilan to‘g‘ridan-to‘g‘ri jiddiy muzokaralarga chaqiraman. Milliy birlik, mamlakat mustaqilligi, hududining yaxlitligi, markazlashgan kuchli hukumat muhokama qilinmaydigan mavzular hisoblanadi", dedi Ashraf G‘ani o‘z chiqishida.

"Tolibon" oldida ikkita yo‘l turibdi, ular o‘z xalqini qo‘llab-quvvatlashlari yoki boshqa davlatlar qo‘lida qurol bo‘lishlari mumkin", dedi u.

O‘zaro kurashayotgan ikki tomon o‘rtasida tinchlik muzokaralarini yo‘lga qo‘yish masalasi turli uchrashuvlarda muhokama qilinmoqda.