16:00 / 12.02.2019
6463

AQShda ilk marta marixuana asosidagi bolalar dori vositasi tasdiqlandi

AQShning Oziq-ovqat mahsulotlari va dori vositalari nazorati boshqarmasi (FDA) mamlakatdagi ilk tarkibiga tabiiy marixuana kiruvchi preparatni tasdiqladi. Associated Press shu haqida xabar berdi. 

Epidiolex («Epidioleks») dori vositasi bolalardagi epilepsiyaning ikki og‘ir shaklini davolash uchun mo‘ljallangan: Drave sindromi (ensefalopatiyaning og‘ir shakli) va Lennoks-Gasto tug‘ma sindromi (epilepsiya shakli). Dori vositasi bezgakni kamaytiradi – shifokorlar hozircha uning aynan qanday ta'sir ko‘rsatishiga oid ma'lumotni taqdim etishmagan.

Umuman olganda, bu - qulupnay ta'mli sirop. Uning asosiy komponenti – kannabidiol nomli kimyoviy modda: u nasha o‘simligi tarkibiga kiradi, lekin narkotik ta'sir ko‘rsatmaydi. Dori vositasi shunisi bilan kannabidiol yog‘ (tibbiyotda qo‘llaniluvchi marixuana)dan ajralib turadi. U qadar tushunarli bo‘lmagan yuridik maqomiga qaramay, kannabidiol yog‘ Amerikaning qator shtatlarida sotiladi. 

Agentlik shuningdek yangi preparatning aks ta'siri borligini ham qayd etib o‘tgan: ichburug‘, qayt qilish, charchoq va uyqusizlik. 

Shunday bo‘lsa-da, umuman olganda dori vositasi 500 nafar ko‘ngillida muvaffaqiyatli sinovdan o‘tkazilgan va shu yilning kuz oylarida sotuvga chiqadi. Tahlilchilarning fikricha, «Epidioleks»ning yillik zaxirasi ota-onalarga 25 ming dollarga tushadi, sotuvlar esa vaqt o‘tgach yiliga 1 milliard dollarga yetadi. 

AQShning 9 shtati va Kolumbiya okrugida marixuanani shifokor ko‘rsatmasisiz iste'mol qilish mumkin. Kannabidiol yog‘ sotuvi 20 shtatda qonuniy yo‘lga qo‘yilgan. Biroq, umuman olganda, federal qonunchilik uni tibbiy qadr-qimmatga ega bo‘lmagan modda sifatida baholaydi va uni geroin va “LSD” (lizergamidlar guruhiga mansub yarim sintetik psixoaktiv modda) bilan bir qatorga qo‘shadi. 

Top