2019 yil 30 mart kuni soat 14.00da Toshkent shahar IIBB navbatchilik qismiga qotillik holati haqida xabar kelib tushgan.
Bosh prokuratura matbuot xizmati Kun.uz’ga ma'lum qilishicha, shu kuni taxminan soat 13:55da Mirzo Ulug‘bek tumani, Sayram ko‘chasi, 3a-uydagi xonadon oshxonasidan ushbu manzilda yashagan ayolning murdasi qotillik alomatlari bilan topilgan.
Bosh prokuratura xabariga ko‘ra, mazkur holat yuzasidan Toshkent shahar prokuraturasi tomonidan Jinoyat Kodeksining 97-moddasi 1-qismi bilan jinoyat ishi qo‘zg‘atilgan.
Hozirda mazkur jinoyat ishi bo‘yicha tergov harakatlari o‘ta og‘ir jinoyatlarni tergov qilish bo‘limi tomonidan olib borilib, jinoyatni fosh etish choralari ko‘rilmoqda.
