2019 yil 14 mart kuni Buxoro shahar M.Avfiy ko‘chasidagi uyda yashovchi fuqaro Sh.N.da tabiiy gazdan foydalanganligi uchun 1 mln. 639 ming so‘m qarzdorligi mavjud bo‘lgan.
MIB xabariga ko‘ra, u ushbu qarzdorlikni to‘lamaslik maqsadida xonadonini qarzdorligi belgilangan me'yordan yuqori bo‘lganligi uchun gaz tarmog‘idan uzib qo‘yish uchun kelgan Majburiy ijro byurosi Buxoro shahar bo‘limi xodimlariga xizmat vazifalarini bajarilishiga faol qarshilik ko‘rsatgan.
Qayd etilishicha, ushbu shaxs qo‘lidagi bolta bilan ularga tashlanib, sha'ni va qadr-qimmatini kamsitib, nojo‘ya so‘zlar bilan haqorat qilgan.
Mazkur holat yuzasidan fuqaro Sh.N.ga nisbatan Jinoyat kodeksining 219-moddasi 2-qismi va 140-moddasi 3-qismi “a” bandi bilan jinoyat ishi qo‘zg‘atilgan.
