Talabalar selda oqib kelayotgan avtomashinadagi odamlar hayotini saqlab qolishdi 

Toshkent davlat texnika universiteti Konchilik ishi va metallurgiya fakulteti, metallurgiya yo‘nalishi 2-kurs 1-17 guruh talabalari murabbiy boshchiligida «O‘zbekiston bo‘ylab sayohat qil» aksiyasi doirasida dam olish kunlari Samarqand shahriga sayohat uyushtirdi. 

Oliy va o‘rta maxsus ta'lim vazirligi xabariga ko‘ra, sayohat davomida viloyatning Qo‘shrabot tumanida kursdoshlari uyida mehmon bo‘lgan talabalar 2019 yil 20 aprel kuni selda oqib kelayotgan avtomashina ichidagilarni – butun boshli oila a'zolarining hayotini saqlab qolishdi. 

Talabalar oqim bilan kelayotgan «Neksiya» avtomobilini to‘xtatib, uning ichidan er-xotin, ularning ikki oylik chaqalog‘i hamda buvisini qutqarib olishdi, deyiladi xabarda.