Murakkab operatsiyalarni muvaffaqiyatli bajarib kelayotgan «EZGU NIYAT» klinikasi yevropalik yetakchi kardiojarrohlar safini kengaytirdi. Endi nafaqat kattalar, balki bolalarda ham yurak jarrohlik amaliyotlari doimiy ravishda bajariladi.
Yevropa standartlari asosida barpo etilib, zamonaviy tibbiy uskunalar bilan jihozlangan «EZGU NIYAT» ko‘p tarmoqli tibbiyot markazida, xorijda ishlab kelgan mahalliy mutaxassislardan tashqari, yevropalik yetakchi kardiojarrohlar ham faoliyat yuritishmoqda. Xususan, «Yevroosiyo yuragi» Fondi rahbari, shveysariyalik mashhur kardiojarroh, professor Paul Fogt va rossiyalik kardiojarroh, professor Sergey Pavlovich Marchenko shular jumlasidandir. Yurtimizning yetakchi kardiojarrohlari safi yana kengaymoqda – joriy yilning iyun oyidan yana bir mutaxassis, Daniyada bir necha yillar davomida ishlab kelayotgan o‘zbekistonlik yetakchi kardiojarroh Ahmad Rustamovich Irmuhammedov ham o‘z faoliyatini boshlamoqda.
Statistik ma'lumotlarga ko‘ra, dunyoga kelgan chaqaloqlarning 1 foizi tug‘ma yurak nuqsonlari bilan dunyoga kelar ekan. Bunday yurak xastaliklari mavjud bolalar mamlakatimizda ham talaygina. Ko‘pchilik ota-onalar ularni davolash uchun xorijga katta mablag‘lar evaziga olib borishga majbur bo‘lishmoqda. Endi esa «EZGU NIYAT» klinikasida shveysariyalik mashhur kardiojarroh, professor Paul Fogt nafaqat kattalar, balki 2 yosh va undan yuqori bolalarda ham murakkab jarrohlik amaliyotlarini bajaradi. Bolalarda yurak jarrohligining birinchi bosqichi 2019 yilning 3-18 iyunga qadar bo‘lib o‘tsa, sentyabr oyidan muntazam ravishda bajarish to‘laqonli yo‘lga qo‘yiladi.
