8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

18:10 / 20.06.2019 9784

«Рубин» Виталий Денисов трансферини эълон қилди

Россиянинг «Рубин» клуби «Локомотив» ҳимоячиси Виталий Денисовни ўз таркибига қўшиб олди.

32 ёшли футболчи қозонликлар билан 1 йиллик шартномани имзолади ва 29-рақам остида тўп тепадиган бўлди. Денисовнинг «Локомотив» билан тузган меҳнат битими муддати ниҳоясига етгани боис, «Рубин» уни эркин агент сифатида бепул қўлга киритди.

Ўтган мавсумнинг 2-ярмида Денисов «Крилья Советов» клубида ижарада ўйнаган эди.

Виталий Денисов Тошкентда туғилган. «Пахтакор» клубида футбол билан шуғулланишни бошлаган. Кейинчалик ўқишни Москванинг «Академик» клубида давом эттирган. ЦСКА, «Спартак НН» ва «Днепр» клубларида ўйнаган. 2013 йилдан бери Москванинг «Локомотив» клуби шарафини ҳимоя қилган. У «темирйўлчилар» сафида жами 141та ўйинда майдонга тушиб, 1та гол урган ва 11та голга ҳаммуаллифлик қилган. 

Ўзбекистон миллий жамоаси сафида 72та ўйинда 1та гол урган.

Top