3-oktabr kuni kechqurun Buxoro shahrida joylashgan «Karvon» bozorida yirik yongʻin chiqdi.
Hodisa toʻgʻrisidagi xabar FVBga soat 21:49 da kelib tushgan. Koʻrilgan choralar tufayli alanga soat 23:45 da qurshab olingan va 4-oktabr kuni soat 00:12 da bartaraf etilgan.
Hodisa oqibatida jabrlanganlar va jarohat olganlar haqida maʼlumot kelib tushmagan, deyiladi vazirlik xabarida.
Yongʻin oqibatida yetkazilgan zarar maydoni va uning miqdori hozircha ochiqlanmagan.
