AQSh keyingi haftada Anqaraga S-400 xaridi uchun sanksiyalar e'lon qiladi – OAV

Vashington keyingi haftada Turkiyaga Rossiyaning S-400 zenit-raketa majmualarini sotib olganligi uchun sanksiyalar e'lon qiladi. Bu haqda Bloomberg axborot agentligi xabar berdi.

Ma'lumotlarga ko‘ra, AQSh prezidenti Donald Tramp jamoasi kiritiladigan sanksiyalarni belgilab oldi. Endi bu rejani Tramp ma'qullashi kerak.

Vashington Turkiyaga qarshi sanksiyalar kiritilishini keyin hafta oxirida, Turkiyada davlat to‘ntaruviga urinishning 3 yilligi bilan bog‘liq tadbirlar o‘tgandan keyin ma'lum qiladi: AQShda Turkiya prezidenti Rajab Toyyib Erdo‘g‘anni to‘ntarishga urinishni tashkillashtirishdagi yangi ayblovlar qo‘yilishidan xavotirlanishmoqda.

AQSh va NATOning boshqa davlatlari Anqarada ham S-400, ham AQShning 5-avloddagi F-35 samolyotlari paydo bo‘lsa, unda Rossiya majmualarining radarlari F-35’larni aniqlab, ular ortidan kuzatuv olib borishni o‘rganib olishidan xavotir bildirmoqda. Shu sababli 28 iyunda AQSh senati Turkiyaga qiruvchi samolyotlarni sotishni taqiqladi.

12 iyulda Turkiyaning Anqara viloyatidagi “Myurted” aviabazasiga S-400 qismlari ortilgan 3 ta samolyot yetib keldi. Majmuaning qolgan qismlari yaqin kunlarda yetkazilishi davom etadi.