Rossiyada Google taqiqlangan havolalarni bergani uchun jarimaga tortildi

Google kompaniyasi axborot to‘g‘risidagi qonunni buzgani uchun 700 ming rubl jarimaga tortildi. Qonunga ko‘ra, qidiruv tizimlari Rossiyada taqiqlangan axborotlarni o‘z saytlarida taqdim etmasliklari lozim. 

Roskomnadzorning ma'lumot berishicha, ushbu saytda taqiqlangan axborot reyestrida qayd etilgan havolalarning uchdan bir qismi mavjud.

Bu Rossiya qonunlarini bajarmagani uchun Google'ning birinchi marta jarimaga tortilishi emas. Kompaniya 2018 yil dekabrda taqiqlangan saytlar ro‘yxati bo‘lgan davlat federal axborot tizimiga ulanishdan bosh tortgani uchun 500 ming rubl jarimaga tortilgandi.