Tramp Eronda AQSh josuslari ushlanganligi haqidagi xabarni yolg‘on deb atadi

AQSh prezidenti Donald Tramp  Eronda go‘yoki AQSh Markaziy razvedka boshqarmasida tayyorgarlikdan o‘tgan 17 nafar josus ushlanganligi haqidagi xabarni yolg‘on deb atadi. U bu haqda o‘zining Twitter sahifasida yozdi.

"Eronning MRB josuslari ushlanganligi haqidagi xabari mutlaqo yolg‘on", - deyiladi Tramp tomonidan.

Avvalroq Eron axborot vazirligi terrorizmga qarshi departamenti direktori Eron sudi AQSh foydasiga josuslik qilishda ayblangan 17 kishiga nisbatan hukm chiqarganligini ma'lum qilgandi. 

Uning bayonotiga ko‘ra, josuslar Eronning muhim obektlarida ma'lumot yig‘ish bilan shug‘ullangan va MRBda tayyorgarlikdan o‘tgan.