AQSh Turkiya mudofaa va energetika vazirliklaridan sanksiyalarni olib tashladi

Cheklovlar mudofaa va energetika vazirliklari hamda mudofaa vaziri Xulus Akar, energetika vaziri Fotih Do‘nmas va ichki ishlar vaziri Sulaymon So‘yludan olib tashlangan.

Turkiya vazirliklari va amaldorlari Anqara Suriyada “Tinchlik bulog‘i” operatsiyasini boshlaganidan so‘ng sanksiyalar ro‘yxatiga kiritilgandi.  

Operatsiya boshlangan kuni AQSh prezidenti Donald Tramp Turkiya prezidenti Rajab Tayyip Erdo‘g‘anga maktub yozib, operatsiya to‘xtatilmaydigan bo‘lsa, Turkiya iqtisodiyotini sanksiyalar orqali yakson qilib tashlashini yozgandi.

22 oktabr kuni Turkiya prezidenti “Tinchik bulog‘i” operatsiyasi to‘xtatilishini ma'lum qilganidan so‘ng Tramp sanksiyalarni olib tashlashga va'da berdi.