Toshkent viloyatida yuz bergan YTH oqibatida piyoda hayotdan ko‘z yumdi

2019 yil 18 dekabr kuni taxminan soat 21:00larda 30 yoshli Z.I. boshqaruvidagi Cobalt rusumli avtomashinasida Piskent tumani 4R20 sonli avtomobil yo‘lining Qorasuv-Bekobod yo‘nalishi bo‘ylab harakatlanib, shu yo‘lning 21-kilometrda o‘ng tomondan chap tomonga kesib o‘tayotgan piyoda 65 yoshli A.K.ni avtomashinaning old o‘ng burchak qismi bilan urib, yo‘l transport hodisasini sodir etgan.  

O‘zbekiston Respublikasi IIV huzuridagi Tergov departamenti xabariga ko‘ra, natijada piyoda A.K. olgan tan jarohatlari bilan Bo‘ka tuman markaziy shifoxonasiga yotqizilgan. Biroq A.K.ga ko‘rsatilgan tibbiy muolajalarga qaramasdan shifoxonada vafot etgan.

Mazkur holat yuzasidan Piskent tuman IIB huzuridagi Tergov bo‘limi tomonidan O‘zbekiston Respublikasi Jinoyat kodeksining 266-moddasi 2-qismi (odam o‘limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.

Hozirda ushbu jinoyat ishi bo‘yicha dastlabki tergov harakatlari olib borilmoqda.