Joriy yilda 200ta bank xizmatlari ofislari tashkil etiladi

2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm-ma'rifat va raqamli iqtisodiyotni rivojlantirish yili”da amalga oshirishga oid davlat dasturi loyihasi e'lon qilindi.

2020 yil 1 martga qadar normativ-huquqiy hujjat loyihasi ishlab chiqiladi. Loyihada:

davlat ulushiga ega bo‘lgan banklar transformatsiyasi bo‘yicha “yo‘l xarita”larini tasdiqlash va amalga oshirish;

davlat ulushini strategik investorga sotish bo‘yicha reja-grafik tuzish;

bankning kapital, resurs bazasi va daromadlarini oshirishga qaratilgan aniq choralarni belgilash;

qonun hujjatlari va bank amaliyotini bank nazorati bo‘yicha Xalqaro Bazel qo‘mitasining bank nazorati bo‘yicha asosiy tamoyillariga muvofiqlashtirish;

zamonaviy axborot-kommunikatsiya texnologiyalarini qo‘llagan holda biznes jarayonlarini optimallashtirish;

aholi va xo‘jalik sub'yektlariga ko‘rsatilayotgan bank xizmatlari sifatini oshirish hamda zamonaviy chakana bank xizmatlari turlarini kengaytirish;

joriy yilda 200 ta bank xizmatlari ofislari tashkil etish;

2,4 mlrd AQSh dollari miqdorida xorijiy kredit liniyalarini jalb qilish va samarali o‘zlashtirish;

qo‘shimcha 15 trln.so‘m miqdorida yuridik va jismoniy shaxslarning depozitlarini jalb qilish;

bank tizimida axborot-kommunikatsiya texnologiyalarini diagnostikadan o‘tkazish va ularni zamon talablariga keltirish bo‘yicha choralar ishlab chiqish;

“kredit tarixi” axborot tizimini to‘liq ishga tushirish;

tijorat banklarida korporativ boshqaruvni rivojlantirish nazarda tutiladi.