Farg‘onada o‘tkazilgan musobaqada sportchilar o‘rtasida mushtlashuv kelib chiqdi

Farg‘onada o‘tkazilgan musobaqada sportchilar o‘rtasida sodir bo‘lgan mushtlashuv yuzasidan rasmiy ma'lumot berildi

Foto: IIB axborot xizmati

Joriy yilning 14 fevral kuni soat 12:50larda Farg‘ona ixtisoslashtirilgan “Olimpiya zaxiralari” maktab internatida dzyudo bo‘yicha musobaqa o‘tkazilgan.

Farg‘ona viloyati IIB axborot xizmati xabariga ko‘ra, unda 18 yoshli J.X. va 20 yoshli T.K. o‘zaro janjallashgan, oqibatda J.X. tan jarohati olib, Respublika shoshilinch tez tibbiy yordam ilmiy markazi Farg‘ona filialiga murojaat qilgan.

Dastlabki tibbiy ma'lumotnomaga ko‘ra, fuqaro J.X. bosh qismidan “yengil” tan jarohat olganligi ko‘rsatilgan.

Mazkur holat yuzasidan Farg‘ona shahar IIO FMB 4-sonli IIB tomonidan tergovga qadar tekshiruv harakatlari olib borilmoqda.

Janjal kelib chiqishining sabablari o‘rganilib, natijasi bo‘yicha qo‘shimcha xabar beriladi, deyilgan ma'lumotda.