11:10 / 22.02.2020
1
15498
Ўзбекистон нефть қазиб олишни кескин қисқартирди

2020 йил январь ойида нефть қазиб олиш 2019 йилнинг шу даврига нисбатан кескин қисқарди

Фото: Daniel Acker / Bloomberg

Давлат статистика қўмитаси хабарига кўра, 2020 йилнинг январь ойида республикада автомобиль бензини ишлаб чиқариш ҳажми 2019 йилнинг шу даврига нисбатан кўпайди.

Қайд этилишича, 2019 йилнинг шу даврида 71,6 минг тонна бензин ишлаб чиқарилган бўлса, 2020 йилда - 93,6 минг тонна.

Дизель ёқилғисини ишлаб чиқариш ҳажмида ҳам ўсиш кузатилди. 2019 йилда 81,7 минг тонна дизель ишлаб чиқарилган бўлса, 2020 йилда - 100,0 минг тонна.

Шу билан бирга, Ўзбекистон 2020 йил январь ойида нефть қазиб олишни 2019 йилнинг шу даврига нисбатан (60,6 минг тонна) кескин қисқартирди - 19,2 минг тоннагача.

2020 йил январь ойида табиий газ қазиб олиш 4,75 миллиард куб метрни ташкил этди, бу 2019 йилнинг шу даврига нисбатан кам (5,28 миллиард куб метр).

2020 йил январь ойида Ўзбекистон 143,1 минг тоннадан ортиқ газ конденсати қазиб олди, бу 2019 йилнинг шу даврига нисбатан бироз кўпроқ (141,4 минг тонна).

Ушбу хабарга фикрингизни билдиринг. Бунинг учун авторизациядан ўтишингиз керак!
Top