15:41 / 02.03.2020
0
4715
Жанубий Корея КХДР баллистик ракеталар учирганини тахмин қилди

Ўтган йил декабрда КХДР раҳбари Ким Чен Ин тез орада янги стратегик қуролини намойиш этишини айтганди.

Фото: KCNA/Reuters

Жанубий Корея штаб бошлиқлари қўмитаси КХДР душанба куни кичик масофага мўлжалланган иккита баллистик ракета учирганини тахмин қилмоқда.

"Биз КХДР кичик масофага мўлжалланган баллистик ракеталарни учирди деб тахмин қилмоқдамиз", - дея қўмита вакилидан иқтибос келтирмоқда Yonhap агентлиги.  

Хабар қилинишича, КХДР ракеталари Вонсан шаҳри ҳудудидан учирилган ва 35 км баландликда 240 км масофани босиб ўтган.

Корея республикаси президенти маъмурияти ушбу ҳолатдан сўнг фавқулодда йиғилиш ўтказди. Йиғилиш якунларига кўра эълон қилинган баёнотда КХДРнинг ҳаракатлари Сеулнинг "жиддий хавотири"ни уйғотганлиги таъкидланади.

2020 йил бошидан буён бу дастлабки мана шундай ҳолатдир. Ўтган йил декабрда КХДР раҳбари Ким Чен Ин тез орада янги стратегик қуролини намойиш этишини айтганди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top