14:46 / 01.06.2020
4620
Украина 15 июндан халқаро авиақатновларни тиклайди

Халқаро йўналишлардаги авиақатновлар биринчи навбатда туристик мамлакатларга тикланади. 

Фото: REUTERS/Valentyn Ogirenko

Украина 15 июндан халқаро авиақатновларни тиклашни режалаштирмоқда. 

"15 июндан халқаро ва ички авиақатновлар очилади. Ички авиақатновлар эртароқ очилиши ҳам мумкин", - деди мамлакат инфраструктура вазири Владислав Криклий.

Унинг сўзларига кўра, халқаро йўналишлардаги авиақатновлар биринчи навбатда туристик мамлакатларга тикланади. 

"Булар кўпчилик кутаётган Туркия, Греция, Кипр, Монте-Негро, Хорватия, Грузия. Янада аниқроқ маълумотни бир ҳафта ичида эълон қиламиз", - деди Криклий.

Вазирнинг айтишича, Украина ҳозирча Италия ва Испания билан авиақатновларни тиклашни режалаштирмаяпти.

У шунингдек, асосий туристик йўналишларда қатновчи поездлар сони оширилишини ҳам айтиб ўтди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top