11:57 / 26.06.2020
7446
Йўлда кетаётган автомашинани тўхтатиб, талончилик қилган шахслар ушланди

Ҳолат юзасидан Жиноят Кодексининг 166-моддаси 2-қисми “б,в” бандлари билан жиноят иши қўзғатилган. 

Фото: Тергов департаменти

2020 йилнинг 23 июнь куни соат 23:45да 22 ёшли С.А. бошқарувидаги Nexia русумли автомашинасида Фарғона вилояти “Қўқон-Бувайда” автомобил йўли бўйлаб ҳаракатланиб кетаётган бўлган.

Ўзбекистон Республикаси ИИВ ҳузуридаги Тергов департаменти хабарига кўра, у Учкўприк тумани Калтатой қишлоғи ҳудудига етиб келган вақтида, номаълум шахслар кул рангли Nexia-1 русумли автомашина билан тўхтатиб, автомашинаси салонида бўлган 36.700.000 сўм пулларини ҳамда баҳоси 1.600.000 сўмлик Redmi-7 русумли уяли алоқа воситасини очиқдан-очиқ талон-торож қилиб, ҳодиса жойидан яширинганлар.

Олиб борилган тезкор суриштирув ишлари давомида мазкур жиноятни 32 ёшли М.А., 24 ёшли  Ж.Ж., 21 ёшли Ж.Ю. ва М.У. (аёл) содир этганликлари аниқланиб, Ж.Ж.дан “Redmi-7” русумли уяли алоқа воситаси ашёвий далил тариқасида олинган.
              
Мазкур ҳолат юзасидан Учкўприк тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 166-моддаси 2-қисми “б,в” бандлари (талончилик) билан жиноят иши қўзғатилган. 

Жиноятни содир этган барча шахслар гумон қилинувчи тариқасида ишда иштирок этишга жалб қилинган. Ҳозирда дастлабки тергов ҳаракатлари олиб борилмоқда.

Top