17:11 / 15.07.2020
5245
Ўзбекистонда 350 мингдан зиёд аёл узоқ муддатга хорижга кетган – вазирлик

Айни вақтда Ўзбекистонда 141 887 нафар ишсиз, 57 958 нафар кам таъминланган, 27 525 нафар уй-жойга муҳтож оилалар мавжуд. Шунингдек, 350 151 нафар хотин-қизлар узоқ муддатга хорижга кетган. Бу ҳақда Маҳалла ва оилани қўллаб-қувватлаш вазирлиги бошқарма бошлиғи Наврўз Мусаев иштирокидаги брифингда маълум қилинди.

Қайд этилишича, мамлакатда 25 ёшдан юқори хотин-қизлар қатламининг 39,3 фоизи ўрта, 47,9 фоизи ўрта-махсус, 12,7 фоизи олий маълумотга эга.

«Бугунги кунгача 150 мингдан ортиқ хотин-қизнинг бандлиги таъминланган бўлиб, шулардан 110 мингдан ортиғи ҳақ тўланадиган жамоат ишларига жалб қилинган. 20 мингдан зиёд аёлга ўз-ўзини банд қилиш орқали вақтинчалик меҳнат гувоҳномалари расмийлаштирилди. 8 мингдан ортиғига субсидиялар ажратилди. 426 нафар хотин-қизга 58 млрд сўмдан зиёд ҳажмдаги кредитлар ажратишга кўмаклашилди», дея вазирлик вакилининг сўзларини келтирмоқда Kun.uz мухбири.

Top