BAA va Xitoy dunyoda birinchi bo‘lib COVID-vaksina sinovining yakuniy bosqichiga o‘tdi

BAA va XXR mutaxassislari koronavirusga qarshi vaksina sinovining uchinchi – yakuniy bosqichiga o‘tdi. Bu haqda "Al-Arabiyya" telekanali xabar qilmoqda.

"Abu-Dabidagi G42 kompaniyasi Abu-Dabi sog‘liqni saqlash departamenti va sog‘liqni saqlash vazirligi boshchiligida Xitoyning Sinopharm CNBG kompaniyasi bilan hamkorlikda sinovlar o‘tkazmoqda", - deyiladi G42 kompaniyasi bayonotida.

Iyunda CNBG BAAda vaksina sinovining uchinchi bosqichini o‘tkazishi ma'lum bo‘lgandi.

 Kompaniya keyinroq o‘zi ishlab chiqqan ikkita vaksina muvaffaqiyatli natija ko‘rsatayotganini bildirgandi.

OAVning qayd etishicha, Xitoyda koronavirusga qarshi vaksinaning sakkizta prototipini ishlab chiqish ma'qullangan.