Xoliqovning so‘zlariga ko‘ra, bugunga qadar respublika miqyosida 672 ming gektar (78%) maydonga, shu jumladan:
68 ming gektar (59%) sabzavot, 27,5 ming gektar (65%) kartoshka, 22,6 mingga (64%) poliz, 17 ming gektar (84%) moyli, 260 ming gektar (76%) dukkakli ekinlar, 44 ming gektar (76%) sholi, 182 ming gektar (96%) ozuqa va 51 ming gektar (93%) boshqa turdagi qishloq xo‘jaligi ekinlari ekilgan.
Bu borada u kartoshka ekish ishlarida sustkashlikka yo‘l qo‘yilayotganini ham tan oldi.
«23 iyul holatiga, 27,5 ming gektar (grafikka nisb – 83%, rejaga – 65%) maydonga kartoshka ekildi. Bu borada biroz kechikyapmiz.
G‘alladan bo‘shagan maydonlarga takroriy ekinlarni ekishni 5 avgustgacha, jumladan kartoshka ekishni 26 iyulgacha yakunlaymiz», – dedi vazir o‘rinbosari.
Bahodir Xoliqov brifing davomida yil yakuni bilan respublika miqyosida qancha hosil yetishtirilishi kutilayotgani haqida ham ma'lumotlarni keltirib o‘tdi.
«22,7 mln tonna meva-sabzavot, shu jumladan:
2,9 mln. tonna meva (107%), 1,6 mln. tonna uzum (106%), 11,9 mln. tonna sabzavot (117%), 2,5 mln. tonna poliz (123%), 3,2 mln. tonna kartoshka (103%), 569 ming tonna dukkakli (168%) va 200 ming tonna moyli (194%) mahsulotlar yetishtirib beriladi», – deya vazir o‘rinbosarining so‘zlarini keltirmoqda Kun.uz muxbiri.
