Yevropa mamlakatlarida koronavirus yuqtirish holatlari keskin o‘sgani kuzatilmoqda

YeIning aksariyat mamlakatlarida COVID-19 koronavirusini yuqtirish holatlari soni keskin o‘sgani qayd etilmoqda, deb xabar berdi Yevropa OAV.

 Xususan, 19 avgust kuni Ispaniyada 3 715ta yangi holat qayd etildi, bu iyun oxiridan buyon sutka davomida kuzatilgan eng yuqori ko‘rsatkich hisoblanadi.

Italiyada chorshanba kuni koronavirus infeksiyasi yuqtirish bilan bog‘liq 642ta holat qayd etildi, bu mamlakatda may oyi oxiridan buyon eng yuqori ko‘rsatkichdir.

Germaniyada esa o‘tgan sutka davomida 1,7 mingdan ortiq holat qayd etildi – bu apreldan buyon qayd etilgan rekord ko‘rsatkich hisoblanadi.

Fransiyada har uchinchi shaharda odam gavjum joylarda niqob taqish majburiy etib belgilandi. Mamlakatda sutka davomida 3,8 mingta koronavirus yuqtirish holati qayd etilgan.