Xitoyda hasharotlar asosida ishlab chiqilgan vaksinaning klinik sinovlari boshlanadi

Sichuan universiteti laboratoriyasida ishlab chiqilgan vaksina maymunlar va boshqa hayvonlarda muvaffaqiyatli sinovdan o‘tkazib bo‘lingan.

Universitet mutaxassislarining ta'kidlashicha, vaksina ustida ishlar bir necha oy davomida olib borilgan va ular hanuzgacha biror-bir yaqqol ikkilamchi ta'sir keltirib chiqarmagan yuqori sifatli vaksina olishga muvaffaq bo‘lishgan.

Ma'lum qilinishicha, ushbu vositadan yiliga 100 mln dona ishlab chiqariladi.

Avvalroq Xitoyning Sinopharm farmatsevtik korporatsiyasi koronavirusga qarshi vaksinasini dekabrdan sota boshlashni rejalashtirayotganini e'lon qilgan. Ushbu vaksinaning ikki inʼeksiyasi 50 dollarga yaqin turadi.

Kompaniya mutaxassislarining ta'kidlashicha, ushbu vaksinaning bir donasi bilan emlanganlarda koronavirusga qarshi 97 foiz immunitet hosil bo‘ladi. Ikkinchi emlashdan keyin esa bu ko‘rsatkich 100 foizga yetadi. Sinopharm vaksinadan yiliga 220 mln to‘plam ishlab chiqarishni mo‘ljallamoqda.